H@M@D@
ادارى متميز نائب الدير
عدد الرسائل : 28
العمر : 40
العمل/الترفيه : VODAFONE
رقم العضويه : 21
تاريخ التسجيل : 02/04/2008
 | موضوع: ليييييييييييييييييييييه  الجمعة أبريل 04, 2008 1:53 am | |
| ]ليه في شارع مراد حاطين يافطه كبيرة مكتوب عليها "ابتسم انت في الجيزة"..، هل الجيزة حاجة تضحَّك؟
]ليه لما تطلب ساندوتش من مطعم وتحب تضيف عليه اى إضافة بيزودوا سعر الساندوتش، طيب ليه لما بتحب تشيل حاجه من محتويات الساندوتش سعره مابيقلش؟
ليه بيقولوا (الحب أعمى)، ومع ذلك كل أغاني الحب عن العيون،
" نور العين وسحر عينيك وعينيك واحشاني وعينيك كدابين وحبيبي وعينيه "اصلا
طيب لو كان الحب اعمى ..ليه واكلين دماغنا بالحب من اول نظرة .
لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك كابتن ماجد.
الأخرس بيكلم نفسه إزاى؟
ليه بيقولوا على الشخص اللى نايم بعمق إنه نايم زى البيبيهات؟، مع إن البيبيهات أصلا بيصحوا كل نص ساعه
ليه البنات بتفتح بقها وهيا بتحط (ماسكرا) ؟
إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك؟
ليه لو واحد قال قدامي كلمة "الأقصر" بتيجي في دماغي على طول صورة "الآثار"؟! مع إنى لو قال قدامي كلمة "الآثار" مش شرط تيجي في دماغي صورة "الأقصر"؟
ليه الناس مابتقولش (الرياضة فايز ومهزوم) غير لمّا تتغلب؟
ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟
ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟
ليه الناس بتقول لأي حد في الشارع "يا باشمهندس"، ما عدا المهندس فعلاً بيقولوا له "يا دكتور"؟
ليه بيقولوا في الأخبار، مصرع 9 في فلسطين، ومصرع 13بغداد، ومصرع 85 في زلزال، ومصرع 112 في سقوط طائرة؟! طيب ما يقولوا على طول مصرع 250 واحد في نشرة أخبار التاسعة
!!!!!!!!!!!!!!!!
ليه لمّا الواحد يكون واقف مستنى الأسانسير بعد ما داس على الزرار اللي بيستدعى الأسانسير وبقى منوروباين إنه منوّر، ييجي واحد تاني بعد ثواني يبص لك ويبص للزرار المنور ويروح دايس
لما تيجي تتصل بواحد.. ليه الأرقام اللي بترد غلط.. ما بتكونش مشغولة؟
ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر
إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين،طيب هم المتفرجين بيقعدوا فين؟
ليه بيكلبشوا العربية اللي واقفة صف تاني وقافله الشارع.. مع إن الشارع بعد الكلبشة بيفضل مقفول برضه؟
هل حصل فعلا فى يوم من الايام أن فيه واحد (ضرب عصفورين بحجر)؟
ليه لما باكون في البيت واتصل بالسوبر ماركت (اسمه سوبرماركت ريشه) وأقول (آلو.. سوبرماركت ريشه؟!) يرد على يقول لي (إن شاء الله)؟! يعني (إن شاء الله سوبرماركت ريشه؟!) ولاّ (إن شاء الله مش سوبرماركت ريشه؟
ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!". طيب ما هما لو كانوا قالوا لي ماكنتش سألتك، ثم هما مين اللي قالوا لي؟
ليه الناس في الشارع بتستخدم أدوات نداء لتوقيف أي شخص، أدوات نداء مالهاش أصل في اللغة و ينفع تنادي بيها على أحد في المطلق زى. بسست، والنبى يا، ويا كابتن، وباقولك وخُد يا، وأيوه يا، وليه أدوات النداء دي بتوقف الشخص المقصود بالذات؟
بيقولوا (لكل قاعدة استثناء)..طيب ايه الأستثناء بتاع القاعدة دى؟
ليه لما حد يحب يدي معلومة بيبدأ الجملة بكلمة (بيقولك)، (بيقولك العربيات رخصت) هما مين دول اللى بيقولوا ............!!!
ليه المذيعة دايما بتتمنى لنا وقت ممتع مع الفيلم العربي اللي بيتذاع للمرة الألفين.. وهى عارفة كده كويس؟
طيب ليه المذيعة بتقول أعزائي أفراد الأسرة.. وهى ما تعرفش حد فينا؟
ليه الشخص اللي يسألك "الساعة كام" لازم يرفع لك دراعه الشمال | |
|
TROY33
مشرف مميز
عدد الرسائل : 93
رقم العضويه : 2
تاريخ التسجيل : 30/03/2008
| | موضوع: رد: ليييييييييييييييييييييه الجمعة أبريل 04, 2008 12:57 pm | |
| هههههههههههههههههههههههههههههههههههههههههههههههههههههههههههههه  | |
|
opra
ادارى متميز نائب الدير
عدد الرسائل : 163
العمر : 35
المزاج : cooooool 3ala 6oooool
رقم العضويه : 4
تاريخ التسجيل : 30/03/2008
| | موضوع: رد: ليييييييييييييييييييييه الجمعة أبريل 04, 2008 3:14 pm | |
| ههههههههههههههههههههه...حلوين اوى ..بس الليهات دى كتيير اوى .................  | |
|
bird without wings
مشرف مميز
عدد الرسائل : 66
العمر : 35
العمل/الترفيه : طالبة
المزاج : انا بحب الموز باللبن اوى وكمان المحشى
رقم العضويه : 7
تاريخ التسجيل : 30/03/2008
| | موضوع: رد: ليييييييييييييييييييييه الجمعة أبريل 04, 2008 3:52 pm | |
| حلو اوووووووووووى يا حملدة جداااااااااااااااااااااااااااااااااااااا بجد | |
|
BEGAD
مشرف مميز
عدد الرسائل : 46
العمر : 32
العمل/الترفيه : طالب ثانوى
المزاج : زى الفل
رقم العضويه : 3
تاريخ التسجيل : 30/03/2008
| | موضوع: رد: ليييييييييييييييييييييه الجمعة أبريل 04, 2008 5:40 pm | |
| هههههههههههههه جميل اوي المضوع ده  | |
|
silver girl
ادارى متميز نائب الدير
عدد الرسائل : 6
العمر : 33
رقم العضويه : 10
تاريخ التسجيل : 01/04/2008
| | موضوع: رد: ليييييييييييييييييييييه الجمعة أبريل 04, 2008 7:40 pm | |
| | |
|
